塱原濕地2016

又到冬天影雀時,每年例去之一,今年冬天首站塱原濕地,居然咁好彩影到黑臉琵鷺,人生第一次見到,以我每年只影幾次雀仔黎講真係算有運,尤其冇咩專門鳥攝器材,記錄到已心滿意足了,haha..

美樂士多 B

近年懷舊風吹編香港,主打懷舊物品既店鋪多不勝數,但主打士多零食等的只見美樂士多一家,當然雜貨店也有好多經典懷舊物品出售,對於六,七,八十後既人仕實在感觸良多,單單一支綠寶橙汁已經夠哂經典,而且裝潢格局用黎影相一流,非常有意思.

美樂士多 A

首先再次多謝美樂雜貨店老闆既熱情招待,適逢早前知道美樂雜貨店內既美樂士多擴建完成,近期得閒既拜會一下,實見現場環境已九成九完成,懷舊氣氛濃烈,連古董座檯遊戲機太空侵略者都有,令本人感動非常,喜歡懷舊古董事物既人非去不可,十分值得推薦.

Mamiya M645 1000s x Kodak Ektar 100

又係Mamiya M645 1000s搭Kodak Ektar 100,又有過底啦,天哪,怎麼這麼好彩呀,一盒五筒有兩筒中左,咁剩下果三筒凶多吉少,都唔知用唔用好...

 Mamiya M645 1000s

 Mamiya Sekor C 45mm f2.8

 Pentax67 SMC Macro 135mm f4

 Kodak Ektar 100

新界東北遊 B

新界東北應該算係香港其中一處人口密度最少既地區,當然唔計粉嶺,上水,大埔市中心地域,計埋大嶼山,西貢,我覺得呢三處係香港郊區最多美景既地方,拜近年各方大力推廣行山之下,好幾處熱門地方已經淪陷,加上政府發展,對於我黎講要舒舒服服,安安靜靜地行山愈黎愈有難度,好多時連車都撘唔到,對比起行程難度,安全及天氣等事,現在去行山首要考慮避開人羣及交通問題,真令人頭痛,haha.

新界東北遊 A

又再一次行了新界東北郊野,又再一次上了吊燈籠,又再一次望著印洲塘海岸,又再一次遊走東北既荒村,基本上一切依舊,只係遊人愈黎愈多,而幾條老村也因政府收地而多了村民回歸,人氣亦愈黎愈旺,也不知是好是壞,起碼對我黎講唔係好事,haha.

海港城小雪翁聖誕派對

今年海港城既小雪翁聖誕派對裝飾幾靚,襯未到十二月唔係好多人快快手走去影左先,到十二月開始想迫入去影下都幾難,haha.

鐵坑山與蛇嶺 B

鐵坑山與蛇嶺基本上不難行,可以飽覽哂邊境風光,加上日落及夜景,非常值得一行,同麒麟山,大石磨,馬草壟等風景不相伯仲,唔錯唔錯.