蠔殼山

元朗蠔殼山,博愛醫院斜對面的一個小山,由凹頭巴士站直上頂唔駛半小時,見天陰陰未行過hea上影下元朗夜景,順便探索一下山上戰壕,個景唔錯,下次好天有須要再上一次,haha.

太墩

太墩山上的斬竹灣及滘西洲風景,這是一個上年行過一次便念念不忘的美景,今年襯夏天將完又再上一次,好天氣下好風光,亦熱到中暑咁滯,但一拎起相機乜暑都冇哂,haha.

何文田站

新開的觀塘延線何文田站,一個唔知點解唔響何文田但又叫做何文田站既地鐵站,D人話佢要行好耐先出到去我又唔覺,但行去愛民邨真係算幾遠,有D搞笑,其實叫天鑄站咪仲好,反正個站起黎都係為左方便住天鑄呢個豪宅既人,住何文田既人一D都唔方便,有D不知所謂,haha.

風和日麗的泥涌

繼去年踏足泥涌睇天空之鏡後,今年某日襯好天又再一次踏足泥涌,一切如去年一樣無變過,亦都同去年一樣等唔到日落就走人了,haha,又要等下年再去過了.

田下山日出

清水灣的田下山,影日出既熱門攝影勝地,我也是第一次去,好好彩一擊即中,唔駛食白果,哈哈.

Nikon EM x Fomapan 400

Nikon EM都算係近年我用得最多既Nikon相機了,又輕又細又方便,懶人至愛,可以專注攝影,唔駛左扭右扭,快靚正,haha.

 Nikon EM

Sigma Super Wide II 24mm f 2.8

Nikon nikkor 50mm f1.8 AIS

 Fomapan 400

Canon P x Fomapan 400

近來影黑白菲林如果係用400度既話多數都轉用Fomapan 400,比RPX 400還便宜,亦有不錯既效果,值得推薦.而今次用番呢部我唯一一部換鏡RF,用得多單反裂像對焦再用黃點真係唔係好慣,仲成日驚冇開蓋,搞到影張相都手忙腳亂,騰哂雞咁,真好笑.

 Canon P

 Yashica Yashinon 5cm f2.8

Fomapan 400

香港情懷藝術微展

又有Lego睇了,於鑽石山荷里活廣場舉辦既香港情懷藝術微展內,兩個場景其中一個秀茂坪舊邨就係用Lego砌的了,非常精緻及像真,加上另一個微細版舊三角碼頭,值得一看,超正.

大潭峽二戰遺跡

之前曾經探遊過位於大潭峽既東旅指揮部,今次補完指揮部附近既遺跡,包括一些營房,彈藥庫及機槍堡,叫做大概遊歷哂大潭峽既二戰遺跡,雖然可能仲有D遺漏,也滿足了,haha.

上樓社會塑膠玩具展

早前參觀了一間位於觀塘區工廠大廈內叫上樓社會小店既塑膠玩具展,非常有意思,估唔到今時今日仲有咁新淨既塑膠玩具,利害利害,D回憶返哂黎,haha.

Minolta P's x Kodak Ultramax 400

Minolta P's,一部好出名既假寬條相機仔,見超耐冇用,入筒Kodak Ultramax 400玩下,機仔細細,對焦超快,感覺唔錯~~

 Minolta P's

Kodak Ultramax 400

蓮麻坑礦洞與山咀二戰遺跡 B

上年遊歷蓮麻坑係由山咀村路上紅花寨,紅花嶺,落蓮麻坑礦洞,蓮麻坑村,塘肚山村,堆田區這行程的,今次走另一路線,由山咀村路上到伯公坳麥景陶警崗,山腰路下抵新桂田村,再上蓮麻坑礦洞,礦山麥景陶警崗,紅花嶺,經軍車路落山,叫做補完全條路線,加上探索山咀二戰遺跡,相信有排都唔會再行此處了,加上年頭白花山,白虎山,沙嶺及邊境各村各麥景陶警崗及嚤囉樓,邊境禁區各處大約已踏足過,可以將重點放回港島區,尋找港島區既二戰遺跡.

蓮麻坑礦洞與山咀二戰遺跡 A

重陽適逢放假,相隔大半年,再次踏足沙頭角,慢慢遊歷蓮麻坑礦洞與山咀二戰遺跡,估唔到平時假日旺角咁多人既蓮麻坑山徑,重陽假日居然冇咩人登高,行足全日只見三數人,超正.

朗豪坊 Lego Store

這間位於朗豪坊既Lego Store,相信不用多講啦,我終於等到唔駛排隊入去影下相了,初開幕見到D人排隊排到落幾層樓直頭瘋狂,家下舒舒服服地影相感覺真爽,haha.

大潭水塘文物徑

港島熱門行山地點,我咁多年都未去過,今次第一次去花些時間行哂大潭水塘包括大潭上水塘,大潭副水塘,大潭中水塘及大潭篤水塘,風景真係幾好,可惜天氣唔好,下次好天再行多次,haha.

薄扶林水塘與Kennedy Town Pillbox 3

之前除了香港仔水塘外,薄扶林水塘我也從未去過,國慶日放假見下午好天,短遊一下這水塘,以及尋找Kennedy Town 的 Pillbox 3,呢個真係有D難度,唔開GPS真係頗難搵.haha..