潛行凶間 Inception

剛睇左一套好多人討論既戲,內容就唔講喇,我覺得唔錯,唔係真係好好睇,但絕無悶場,都值得一睇既.反而D人睇完講0個D討論我覺得幾攪笑,其實呢類片好多年前己經有,好過佢的大有片在,內容亦不算新鮮,只不過舊時呢類片冇咩大卡士及電腦效果者,所以有D唔明點解此片會咁有大迴響~haha

戰火屠城the killing fields

近來睇了一套舊片,非常值得推介.
如果現今港孩睇這套舊片,便會了解幸褔為何物了~

以下節錄於其他web:

描述紐約時報駐柬埔寨的戰地記者Sydney Schanberg與當地翻譯Dith Pran的友

情血淚故事。美國自柬埔寨撤軍后，當地情勢更為險惡，Sydney仍堅守在那，

而多虧在當地人Dith Pran的幫忙，才能多次化險為夷度過鬼門關卡。沒想到就

在一次美國人士必須全面撤離柬埔寨的關鍵，Sydney的錯估情勢，讓本來可以

逃亡的Pran被紅色高棉擄走，開始過著生不如死的生活……
　　1972年，紐約時報記者辛尼在柬埔寨採訪，柬埔寨人潘迪是他的翻譯兼助

手，兩人在戰火紛飛中結下了深厚的友誼。1975年，紅色高棉佔領金邊，辛尼

進入法國領事館后安全撤退，潘迪因為沒有護照而被捕。潘迪在柬共的勞動改

造政策中歷經劫難，目睹了紅色高棉政權的殘暴血腥，1978年，越共入侵柬埔

寨，潘迪趁機逃亡到泰國邊境，與一直在尋找他的老朋友辛尼重逢。
美軍潰敗出越南之後，一群西方記者繼續留在當地採訪。很快，他們不可避免

地被當做間諜和不友好者看待。他們的越南助手拼出命來保護他們，終於使他

們平安離開了越南。
1972年，紐約時報記者辛尼在柬埔寨採訪，柬埔寨人潘迪是他的翻譯兼助手，

兩人在戰火紛飛中結下了深厚的友誼。1975年，紅色高棉佔領金邊，辛尼進入

法國領事館后安全撤退，潘迪因為沒有護照而被捕。潘迪在柬共的勞動改造政

策中歷經劫難，目睹了紅色高棉政權的殘暴血腥，1978年，越共入侵柬埔寨，

潘迪趁機逃亡到泰國邊境，與一直在尋找他的老朋友辛尼重逢。

電影中，最令人不寒而慄，頭皮發麻的一幕是，DithPran試圖逃跑，

經過“人骨河”，不小心掉進河中，抓著一具具的人骨才爬上岸！更觸

目驚心的那些在PolPot(波爾布特)統治下，幼小孩子思想被洗腦后，那些

兇惡的眼神，看不到一絲善良，是那種比冰更冷的眼神。他們/她們舉槍

、揮刀殺人，毫不手軟。該影片獲得三項奧斯卡金獎(1985)。DithPran的

扮演者是華裔醫生吳漢。吳漢原是柬埔寨紅色高棉恐怖統治時代的華僑醫

生，他逃過赤棉的血腥大屠殺，輾轉流亡美國。一九八四年好萊塢拍攝電

影《殺戮戰場》，吳漢因緣際會在片中軋上一角，飾演為美國媒體工作的

柬埔寨攝影記者，由於角色詮釋刻畫入微，一炮而紅，獲奧斯卡最佳男配

角獎。

花絮
．男配角斯波爾丁．格雷寫了一場獨角戲，是關於他在拍攝這部電影

    的經歷，隨後根據這個拍成了另一部電影Swimming to Cambodia(1987)。

．吳漢(Haing S. Ngor)成為第一位東南亞(也是第一位佛教教徒)獲得奧斯卡獎的演員。

．電影中的可口可樂工廠原來設想的是一家百事可樂工廠，後來百事拒絕了

    出現在影片中。

．在奧斯卡頒獎典禮上，當吳漢(Haing S. Ngor)贏得最佳男配角獎的時候，

    他在十五歲姪女的陪伴下走上領獎台。就在這個時候，約翰馬爾克維奇開

    玩笑地大笑起來，對他說了一些柬埔寨語，令他的姪女大吃一驚，吳漢也

     笑了起來。約翰喊道："這個獎項屬于我的，屁股！"在吳漢的自傳中，他說

    約翰．馬爾克維奇學習柬埔寨罵人的髒話，興趣十分濃厚。

寡佬飛行日記

寡佬飛行日記!誠意推介~~~很有意思的好片!!
故事獨特,非一般愛情片,結局很有意思,有共鳴!

近來所睇的幾套戲感想

末日密碼:好彩冇去戲院睇,蛋治D戲真係愈黎愈唔得,災難加科幻等於低B,唔睇冇損失.

恐怖異刺元:超低成本怪物驚悚片,可以用垃圾來形容,同類形片多不勝數,故事,鋪排,張力,畫面,演技一一欠奉,好難先睇得完~

老變2:睇過既人影評兩極化,我個人認為不過不失,犯駁多唔合理同冇乜劇情係事實,但作為一套商業動作片係合格有餘,七草入場係值既,唔係好需要用腦而娱樂性豐富,其實要求唔需要太高既,起碼我認為比未來戰士2去3時好好多架喇.只不過老變1好而2冇1咁好所以好多人劣評者~

盲流感:一套一早知好野但拖到近期先睇既好片,係我近期睇既最好既戲,網上好多人好評,唔駛多講,誠意推介~~

未來戰士2018 and 黑色星期五

未來戰士2018,全動作冇冷場,唔計劇情既都幾好睇,都叫駁到頭三集故事,不過幾牽強,但比第三集好得多,都值得睇既,尤其我咁多集都追哂~

新版黑色星期五,一貫美式血腥片,賣弄色情,暴力,血腥,又重講番jason,故事冇新意又唔夠血腥,同舊時比畫面好左但故事一樣,不合情理,都ok無聊,得閒都一看無妨既~

畫中畫Anamorph

劇情進度很緩慢,唔驚悚又唔緊張,成套戲唯一可取之處是其拍攝手法同某D畫面幾突出,但總括而言都係一套爛片~

黑社會1+2

講起黎都好笑,這兩套片我拖左好耐到而家先睇,如果唔係剛出高清我估都冇機會睇的了!第一集幾好睇,就係因第一集ok所以駁住即睇第二集,點知瀨野,第二集好唔惦,同第一集差好遠,雖然幾好笑,但又浪費左個半鐘,頂!

翻生侏羅館2

比第一集差,故事有D鬆散同牽強,笑位都ok但冇上集咁自然,我估唔會拍第三集喇卦~~

一次過睇左三套戲

天啟四騎士:有章子怡做既驚悚片,非常一般,似七宗罪但差好遠,虎頭蛇尾,中尾段好唔惦.

南京南京:這是近呢十年我睇既第二套黑白片,第一套係舒德拉的名單,拍得唔錯,但劇情麻麻,愛國意識太濃,又有少少美化日本仔,政治味重,個人不太喜歡,只喜歡其黑白feel而已~

機動部隊-伙伴:機動部隊五部last一集,終於捱完,都冇乜好講了,睇完有種輕鬆的感覺,同一班友玩足五集其慳皮程度真係利害.

angels and demons

剛睇左angels and demons,唔錯,劇情緊湊,兩個幾鐘去得好快,比The Da Vinci Code更好,喜歡The Da Vinci Code的應值得入場,雖然兩者除主角一人外其他毫無關聯,但鋪排好相似,唔錯~

神槍手

wargame友專用電影,劇情不合理,三個主角都好麻麻,齋睇槍ok既,一般一般而已~~

Against the Dark黑暗毁滅

B級喪屍片制作加上代B級動作片王史提芬史葛Steven Seagal的一套悶片,老套唔嚇人而特技同動作又欠奉,個半鐘都係響個醫院內走黎走去,又冇新意,唔睇冇損失~~

Crank: High Voltage(快克殺手2: 極速電擊)

極度搞野無厘頭動作片,比第一集更惡搞,唔係咁識欣賞呢種戲,Jason Statham果然係現今B級片王,呢套戲有幾幕佢都肯拍,好野!

Dragonball:Evolution 龍珠:全新進化

鳥山明睇左會哭的電影,其白痴程度真係無與倫比~

狂野時速4

比2,3集好睇,同第一集差不多,以飛車片黎講算好ok的了,都唔算好誇張,可以一睇!

機動戰士高達 MS IGLOO 2 重力戰線 3

由MS IGLOO到MS IGLOO 2,每集主角都要釘蓋這傳統到最後這集也不變,好野!這集的guntank強得離奇,連老虎同大魔都輕易被宰,聯邦軍唔駛用陸吉同坦克D垃圾啦,齋生產guntank地上稱霸la.

Final Fantasy VII Advent Children

完全fans向的CG movies,冇玩過FF7的而睇都幾難了解個世界觀,CG做得好靚,但故事性薄弱,齋欣賞CG都可以一看.

Walled In--致命圍困

不過不失,少少驚嚇,少少恐佈,一般一 般,一看可以,不看無妨

機動部隊 -- 同袍

唔睇唔睇結果又睇埋,這次响完全冇期望和希望之下睇反而冇乜失望,可能港產片=垃圾呢種現象太普遍了,已見怪不怪了,只可說這是套幾搞難gag片,都有笑位既~

奪魂鎮 Small Town Folk

超級爛片,既唔恐佈又唔好笑,超低成本制作,今時今日估唔到仲有人拍呢D爛片,佩服佩服~